ВО ШТО СЕ РАЗЛИКУВААТ

Католиците од Православните

Вселенските патријарси Вартоломеј и Кириил со папата Римски

Во кратко ќе дадам едно споредување во што се разликуваат Католиците од Православните. Во светот ги има над 20.000 религии кои следбеници се нарекуваат христијани. Православието и Католицизмот се основата (главни). Иако може да се види многу заедничко, меѓу тие конфесии, сепак тие имаат огромни разлики во обредите и учењето.

За да се опишат детално сите разлики за нив, треба да се напише цела книга. Затоа, оваа статија има за цел да ги разгледа основните разлики помеѓу православието и католицизмот.

Во почетокот познато е дека првите христијани немале несогласувања помеѓу себе, туку сите припаѓале на иста црква и биле истомисленици.

Во II-III век, учењето на филозофите и паганите почнало да се вкоренува во христијанството. Подоцна, Црквата целосно се подели на два главни правци: Западна и Источна.

Западната црква почнала да се нарекува католичка (од грчкиот Καθολικός – универзална). Со главен центар Рим.

Источното Православие се развило во Православие (позајмено од грчкиот ὀρθοδοξία – во смисла на „правилно мислење“) со центар во Константинопол.

На оваа поделба првенствено влијаела политиката: Византија и Рим се бореле за власт.
По поделбата, 1054 година, водачите на спротивставените цркви меѓусебно се анатемисале.

Во 1965 година анатемите меѓусебно беа укинати, но поделбата остана во сила до ден-денес. Затоа што вкоренетите разлики веќе не можат да се елиминираат.

РАЗЛИКИ ВО ОРГАНИЗИРАЊЕТО НА ЦРКОВНАТА СТРУКТУРА

Православната црква се состои од посебни, автономни цркви. На пример, како што се: Цариградската православна црква, Руската, Александриска, Српска, Грчка, Македонска, Бугарска, Белоруска, Американска, Грузиска, Романска, Ерменска, Финска, Кипарска, Ерусалимска, Антиохиска, Коптска, Полска, Украинска, Албанска, Чешка, Словачка, Прав. цркви во Латвија, Прав. цркви во Црна Гора, итн. Овие цркви се под контрола на Митрополити, Архиепископи и Патријарси.

Патријархот Кирилл и Папата Римски

Можеби нема единство меѓу Православните цркви, како и комуникацијата меѓу себе не се смета за важна и задолжителна. Важно е православните да го признаваат Господ Исус Христос како Глава на Црквата.

Главната цел на католицизмот е единството меѓу црквите. Тоа е вградено во самото име. Иако католичките цркви може да се наоѓаат во различни земји во светот, сите тие комуницираат едни со други.

Исто така, кај католиците не е вообичаено да се отстапува од една единствена догма. Иако постојат одредени разлики во формите на литургиското богослужение меѓу римските и византиските обредни католици.

Меѓутоа, сите тие меѓусебно се признаваат како членови на една Црква. За католиците глава на црквата е папата, а не Христос, како за православните.

РАЗЛИКА ВО БОГОСЛУЖЕНИЕТО

-Православните ја сметаат Божествената Литургија за нивна главна богослужба.
-Католиците ја сметаат за миса.

Разликата е во тоа што Православните стојат во текот на целата богослужба и на тој начин се понизуваат пред Бога. Како и, понекогаш верниците клекнуваат. Точно е, има православни цркви каде што е вообичаено да се седи.

Католиците најчесто седат на клупи специјално дизајнирани за ова за време на богослужбата. Сепак, некои услуги се слушаат во клекната положба.

БОГОРОДИЦА И СВЕТИОТ ДУХ

Од гледна точка на Католичката црква, Дева Марија била безгрешна, односно била зачната беспрекорно и немала првороден грев.

Православните исповедаат сосема поинаква доктрина. Според догмите на Православната црква, Богородица била обична жена која Бог по Својата милост ја избрал да го роди Месијата.

Догмите на католичката и православната вероисповед значително се разликуваат кога станува збор за Светиот Дух.

-Православните веруваат дека изворот на Светиот Дух е само Отецот.

-Католиците, од друга страна, го тумачат Светото Писмо на свој начин и тврдат дека Светиот Дух исто така произлегува и од Синот.

ЧИСТИЛИШТЕ И МИТАРСТВА

Секоја религија има своја доктрина за животот после смртта. И во ова учење има многу разлики.
-Католиците веруваат дека по смртта душата на добриот човек оди во чистилиште. Таму таа се чисти од гревовите што ги направил човекот за време на неговиот живот.
-Православните веруваат дека по смртта душата мора да ги помине сите фази на митарствата. На секое митарство и се поставуваат прашања на душата, а демоните – бараат од неа одговор и осуда за секој грев направен на земјата. Тоа е еден вид приватен суд пред Бога. Види во книгата поставена на ова Веб страница „Животот после овој живот“

КРСТНИОТ ЗНАК

Во католицизмот, вообичаено е да се крсти од лево кон десно со пет прсти. Овој гест има симболично значење: пет прсти – петте рани на телото Христово. По две на рацете и нозете, а петтиот беше нанесен со врв на копје.

Православните се крстат од десно кон лево, спојувајќи ги трите прсти, а малиот прст и до малиот се притискаат на дланката. Три прста ја симболизираат Светата Троица, а останатите два – божественото и човечкото потекло на Господ Исус Христос. Во Романската православна црква, двата прста се симбол на Адам и Ева.

РАЗЛИКИ ВО ИКОНИТЕ

Католичките икони се многу натуралистички, емотивни и поблиски до реалноста. Тие го откриваат заплетот на она што се случило, таквите икони се многу слични на живописот. Католичките икони се насликани во директна перспектива, а и статуите често се користат во богослужбата на кои и се поклонуваат.

Во Православието иконите имаат строг стил, сите бои и детали имаат симболично значење. Тие се поставуваат во обратна перспектива, самите светители се прикажани во две димензии. Православните не прифаќаат статуи во своето богослужение.

Отец Митко Попоски
Виндзор, Онтарио, 2001