“ВОЗЉУБИ ГО ГОСПОДА, СВОЈОТ БОГ, СО СЕТО СВОЕ СРЦЕ, И СО СЕТА СВОЈА ДУША, И СО СИОТ СВОЈ РАЗУМ; - ТОА Е ПРВАТА НАЈГОЛЕМА ЗАПОВЕД;
А ВТОРАТА Е СЛИЧНА НА НЕА: ВОЗЉУБИ ГО СВОЈОТ БЛИЖЕН КАКО СЕБЕ СИ!
НА ТИЕ ДВЕ ЗАПОВЕДИ СЕ КРЕПАТ ЦЕЛИОТ ЗАКОН И ПРОРОЦИТЕ“ (Матеја 22:37-40).

www.m-p-c.org

Дезајн од / Design by

  г.г. Стефан
Архиепископ
Охридски и Македонски ОА
на Јустинијана Прима и
Митрополит Скопски
ПОГЛАВАР НА МАКЕДОНСКАТА
ПРАВОСЛАВНА ЦРКВА

 
 
  г. Петар
Митрополит
Преспанско-Пелагониски и
Австралиско - Новозеландски

 
 
  г. Тимотеј
Митрополит
Дебарско - Кичевски и
Австралиско - Сиднејски

 
 
  г. Наум
Митрополит Струмички

 
 
  г. Агатангел
Митрополит Повардарски

 
 
  г. Иларион
Митрополит Брегалнички

 
 
  г. Методиј
Митрополит
Американско-Канадски

 
 
  г. Пимен
Митрополит Европски

 
 
  г. Јосиф
Митрополит
Тетовско - гостиварски

 
 
  г. Григориј
Митрополит
Кумановско - осоговски

 
 
  г. Јосиф
Митрополит Осоговски

 
 
  г. Климент
Епископ викарен - хераклејски

 
 
  г. Партениј
Епископ викарен
Бигорско - Антаниски

 
 
  г. Јаков
викарен епископ Полјански на
Митрополитот струмички

 
 

19 Декември

 

Свети Никола, моли Го Бога за нас !!!

ДА НЕ ЗНАЕ ТВОЈАТА ЛЕВА РАКА, ШТО ПРАВИ ТВОЈАТА ДЕСНА РАКА…

СВЕТИ НИКОЛАЈ Чудотворец, архиепископ Мириклиски. Овој славен светител, денес се чествува низ целиот свет: од Православните, од Католиците, од повеќе христијански вероисповести, како и од голем број Муслимани.

Бил син единец на богати и угледни родители, Теофан и Нона, жители на градот Патара во Ликија. Бидејќи им беше син единец даруван од Бога, тие Му го посветиле на Бога, принесувајќи Му така дар.

Знаењето за духовниот живот Свети Николај го стекнал од својот чичко Николај, кој бил епископ Патарски, основач на манастирот ,,Новиот Сион”, каде што подоцна, во истиот тој манастир, Николај го примил монашкиот постриг.

По смртта на радителите Николај го раздал наследениот имот на сиромасите не задржувајќи ништо за себе. И, додека бил свештеник во Патара, многу се прочул со делата на своите милостињи, кои грижливо ги криел за да го исполнува зборот Господов.

,, Да незнае твојата лева рака што прави твојата десна рака” (Матеј 6,3).

Кога се предал на самотност и на безмолвие, мислејќи така да поживее до смртта, му дошол глас одозгора: ,,Појди на подвиг меѓу народот, ако сакаш да бидеш од Мене овенчан”.

Веднаш потоа според чудесната Божја Промисла бил избран за епископ на градот Мир во Ликија.

Милостлив, мудар, неустрашлив, Свети Николај се покажал како вистински добар пастир на своето стадо. За време на гонењето на христијаните од Диоклицијан и Максимијан го фрлиле в затвор, но тој и во затворот ги поучувал луѓето на законот Божји.

Подоцна присуствувал на Првиот Вселенски Собор во Никеја и од голема ревност кон вистината го удрил еретикот Ариј.

За ова дело бил отстранет од Соборот и од архиерејската служба, се додека на неколкумина од архиереи на Соборот не им се јавил Самиот Господ Исус Христос и Пресветата Владичица, објавувајќи им го своето благоволие за Николај.

Како чувар на Божествената вистина, овој чудесен Божји светител бил и одважен заштитник на правдата меѓу луѓето. На двапати, спасил по тројца луѓе од незаслужена смрттна казна.

Милостлив, вистинољубив и праведен одел меѓу луѓето небаре ангел Божји. Уште за време на животот луѓето го сметале за светител и го повикувале на помош во маки и неволји.

Од неговото лице блескало светлина како од лицето Мојсеево, а со самата појава на луѓето им носел утеха, мир и добра волја.

На старост се разболел, многустрадален и многуплоден, така се упокои во Господа, за вечно да се весели во Небесното Царство продолжувајќи да твори чуда на земјата.

Се упокои на 06. Декември (стар.ст.) 343 година.

Свети Никола, моли Го Бога за нас !!!

 

отец Митко Попоски