




“ВОЗЉУБИ ГО ГОСПОДА, СВОЈОТ БОГ, СО СЕТО СВОЕ СРЦЕ, И СО СЕТА СВОЈА ДУША, И СО СИОТ СВОЈ РАЗУМ; - ТОА Е ПРВАТА НАЈГОЛЕМА ЗАПОВЕД;
А ВТОРАТА Е СЛИЧНА НА НЕА: ВОЗЉУБИ ГО СВОЈОТ БЛИЖЕН КАКО СЕБЕ СИ!
НА ТИЕ ДВЕ ЗАПОВЕДИ СЕ КРЕПАТ ЦЕЛИОТ ЗАКОН И ПРОРОЦИТЕ“ (Матеја 22:37-40).
ДОБРОТОЉУБИЕ – TOM I
Авва Евагриј
5. Изреки за духовниот живот
Поуки за подвижништвото од монахот Евагриј
5. Изреки за духовниот живот
1. Неумесно е оној што ги бара почестите да бега од нив, зашто за трудот се даваат почести.
2. Сакаш ли да Го познаеш Бога? Запознај се најнапред себе.
3. Вистинскиот пријател е оној , кој брза да нѐ извести за радосните настани.
4. Со ништо не е сообразно да мислиме високо за себе, а да извршуваме ниски дела.
5. Високото мислење за себе во сѐ му пречи на самопознавањето.
6. Неразумниот демон на животот е хегемонот – управителот.
7. Благородството на душата се открива и во добрата расположба.
8. Благочестив е оној кој не си противречи на себе, кој живее сообразно со барањата на својата разумна природа.
9. Храмот Божји – е беспрекорниот човек.
10. Најлошата придобивка е лошиот живот.
11. Говори што е потребно и како што е потребно, па нема да го слушнеш и она што е непотребно.
12. Најдобрата придобивка, тоа е верниот пријател.
13. Болеста на душата е суетното однесување.
14. Странец и сиромав е Божја маст (Откр. 3, 18). „Со очна маст намачкај ги очите твои за да гледаш“. Мастта ја преставува милосрдноста према оние кои што имаат потреба од нашата помош.
15. Оној што ги прима нив со сочувство – тој ,скоро ќе прогледа.
16. На сите им прави добро, а особено на оние, кои не можат со ништо да ти се оддолжат.
17. Правичниот бранител е како чаша студена вода.
18. Целомудрен е оној што има кротка душа, тој е како херувим.
19. Честа во староста е доказ за трудољубивоста пред староста.
20. Ревноста во младоста е залог за честа во староста.
21. Светилото на душата е вистинското соѕерцание.
22. Сакајќи го она што не треба да го сакаш, нема да го сакаш она што си должен да го сакаш.
23. Подобро е да добиеш лажно злато, отколку лажен пријател.
24. Чистата душа Му е угодна на Бога.
25. Полошо од самољубието е – сѐ да се мрази!
Преведе,
Отец Митко Попоски
Виндзор, Канада