10.07.2007

Не бараме друг принцип од оној по кој се признаени и СПЦ и претходно другите православни цркви, изјавува во интервју за државната агенција МИА архиепископот Стефан, прашан дали има позитивни промени во односот на сестринските православни цркви кон МПЦ.

„Повеќе од очигледно е дека суштината на проблемот е комплексен и не е само црковен. Всушност, спорот е најмалку црковен, оти ако беше таков, одамна ќе се разрешеше на црковен начин, со љубов и врз основа на вистинска и взаемна почит“, рече г.г.Стефан.

Поглаварот на МПЦ г.г.Стефан објаснува дека разговорите со СПЦ се во мирување, а условите за дијалог се значително отежнати со упорноста во обидите за инсталирање на паралелна црковна епархија.